Познатиот глумец Шон Конери повторно предизвика гнев и бес кај јавноста кога го повтори ставот дека на жените треба да им се удираат шлаканици.
Неодамна имаше разговор со новинарка која му постави прашање на таа тема.
„Во претходните интервјуа ја застапувавте тезата дека не е најлоша работа на светот да ѝ удрите на жената шлаканица. И рековте дека не треба да ја удирате со тупаница, туку со отворена дланка“, го прашала новинарката.
„Да. Не сум го сменил мислењето. Воопшто“, повторно Шон Конери дал запрепастувачки одговор.
На прашањето дали мисли дека е добро да се удираат шлаканици на жени, Конери одговорил:
„Не мислам дека е добро, но не мислам ни дека е лошо. Мислам дека зависи од околностите и од тоа дали е заслужено, рекол Шон Конери.
Јавноста остро ги осуди неговите ставови, а друштвените мрежи ги преплавија коментари во кои луѓето наведуваат дека е срамно да се поддржува секаков вид насилство.
