Познатата дива Адел (31), има ослабено дури неверојатни 10 килограми, преку вежбање пилатес.
Својата одлична фигура, Адел ја покажа на 33-от роденден на пејачот Дрејк, кој го прослави неделава.
Пејачката се појави во црн кадифен фустан со голи раменици и минимален накит, сребрени обетки. Косата ѝ беше врзана високо во опавче, а шминката ја усоврши со впечатлив ајлајнер.
Во јуни, јавноста дозна дека Адел почнала да вежба пилатес. Тренинзите ѝ помогнаа на пејачката да изгледа сосема непрепознатливо.
Адел ужива во својот живот и целосно е посветена на својот син, велат извори блиски на пејачката.
Пилатесот многу ѝ се допаднал на пејачката, а тоа што ослабела било само бонус за неа.
Таа изјавила дека вежбањето го започнала поради своето здравје, но и за полесно да ја издржи турнејата.
На забавата, Адел беше забележана со ѕвезди како Диди и Крис Браун. Сепак, артистот Скепта, за кој се верува дека е нејзиното ново момче, не бил присутен на роденденот.
Адел уште еднаш покажа дека се чувствува одлично во своја кожа и им даде пример на жените ширум светот како да се грижат за себе и своето здравје.
Пејачката со било колку килограми на себе изгледа фантастично! Се согласувате ли?
