Изгледа дека Шарлиз Терон одлучи да ги израмни сите сметки со поранешниот партнер, актерот Шон Пен. Гостувајќи во радио емисијата „The Howard Stern Show“, каде го промовираше својот нов филм „The Old Guard“ кој го сними за „Netflix“, остана малку изненадена кога водителот Хаувард Стерн ја праша да ги коментира гласините дека таа била верена за денес 59-годишниот актер.
„Што? Тоа не е вистина. Не. Не ни размислував за свадба со Шон. Бевме во врска, но тоа беше тоа – врска. Беше тоа само врска дефинитивно, но траеше само една година. Никогаш не започнавме заеднички живот. Никогаш не би се омажила за него. Тоа не беше ништо слично на брак.“
Шарлиз Терон и Шон Пен беа во врска од 2013 година, а врската ја прекинаа во 2015 година. На прашањето на Хаувард Стерн дали некогаш размислувала за брак и дали се чувствува осамено, Терон одговори:
„Никогаш немав желба да се омажам, немам ни денес. Тоа никогаш не беше нешто што ми е важно. Се колнам во животите на своите деца, никогаш не сум била осамена ниту пак сум се чувствувала така. Во мојот живот во моментот нема место за некоја романтична врска. Уживам да ми „местат“ мажи, но не верувам дека некогаш ќе бидам подготвена да живеам со некого. Да бидем целосно искрена, веројатно тој некој би морал да купи куќа покрај мојата. Престара сум за такви работи“, заклучи таа.
