„Игра на престоли“ третпат по ред е прогласена за најдобра драмa, a имаше неверојатни 32 номинации.
Наградата во категоријата комедија ја освои серијата „Скитник“, додека најдобар глумец во комедија е Бил Хедер, а глумица Фиби Волер Бриџ.
Најдобра мини-серија е „Чернобил“.
Останатите награди можете да ги погледнете на сајтот Еми награди.
Серијата „Игра на престоли” беше истовремено и победник и губитник на вечерта на Еми наградите. На екипата на серијата припаднаа две награди – за најдобра драмска серија и за глумецот Питер Динклиџ кој ја доби наградата за најдобра споредна машка улога.
Но, фактот дека серијата беше и најголем губитник, и покрај рекордниот број на гледаност, беше дека не го оствари очекуваниот успех.
Не треба да се занемари ни успехот на серијата „Скитник“ која беше ѕвезда во категоријата на хумористични серии, а која доби награда за најдобро сценарио, најдобра режија и најдобра главна женска улога за глумицата Фиби Волер Бриџ.
Интересно е што годинава Еми наградите немаа водител, а честа на отворањето му припадна на цртаниот лик Хомер Симпсон.
