Храбрата борба на актерката Селма Блер (47) продолжува. Поради терапијата која ја прима таа ја изгуби косата, а сега на Инстаграм се пофали дека започнала да се опоравува.
Дијагнозата за мултиплекс склерозата актерката ја доби пред година дена, а брзо после тоа откри дека првите симптоми на болеста започнале да се појавуваат уште во 2011 година, веднаш по раѓањето на синот Артур.
После откривање на фијагнозата, таа подлегна на терапија со матични клетки која покажа добри резултати во борбата со MS, а моментално со хемотерапија се обидува да го успори развојот на оваа неизлечлива болест.
Поради терапијата Селма ја изгуби и косата, а неодамна на Инстаграм се пофали дека таа започнала да заздравува и повторно да и расте коса, па објави и и фотографии со кратката фризура која ја офарба во сива боја.
„Еве за сите следбениви кои сакаа одблизу да видат како ми напредува растењето на косата. Се ишишав за да можам себеси и синот полека да не навикнам на тоа дека ќе бидам ќелава. Ќелавоста дојде брзо, секое влакно ми отпадна. Главата ми беше чудна, со одблесок и бледа“, напиша таа покрај фотографијата од својот темен корен во крупен план.
Два месеци после крајот на хемотерапијата, актерката вели дека косата повторно почнала да и расте, но не била задоволна со нејзиниот изглед, па сама ја избричила на нула. Почекала повторно малку да порасне, а потоа ја обоила во црно, бојата која ја имала поголем дел од животот.
„Набргу сфатив дека враќањето на црната боја не беше добра идеа, дека таа изгледа како смеѓа на смртта“, напишала таа покрај фотографијата на која има кратка и природно седа коса сега.
„Неколку потези со ножиците и неколку недели после бричење, вака изгледам“, напишала таа.
Селма вели дека одлучила да се прилагоди на седата боја, бидејќи долгата коса моментално е преамбициозна. Поради таа причина за сега одлучила да носи кратка седа коса, за која вели дека никогаш не би се одлучила доколку болеста не ја „присилела“ на тоа.
