Загребските воени ветерани побарале изведувачите од Србија да не настапуваат во Загреб.
Сметаат дека тоа е неприкладно бидејќи како што велат, повикувале на „агресија на нивната држава“, пишува Курир.рс.
Ветераните побарале забрана Бајага, Мирослав Илиќ, Жељко Јоксимовиќ, Сека Алексиќ, Жељко Самарџиќ да настапуваат на фестивалот што ќе се одржува во Загреб од 13 до 22 септември, бидејќи, според нивните зборови, тие пееле четнички песни и повикувале на агресија на Хрватска.
Курир.рс се обидел да добие коментар од споменатите музичари, а одговор им дал само Бајага.
„Не сакам веќе ништо да коментирам на таа тема. Се надевам дека ме разбирате“, рекол пејачот.
Прес службата на Жељко Јоксимовиќ порачала дека ќе размислат заедно со Жељко дали ќе го коментираат случајот, а другите пејачи останале без коментар.
