Рафаел Надал и Марија Перели најавија дека ќе се венчаат на 19 октомври, во шпанскиот град Поленси.
Како што пишуваат шпанските медиуми, славниот пар го изнајмил целиот луксузен комплекс, во кој има и базени, приватни апартмани, па дури и хелиодром.
Најавено е дека на свадбата ќе присуствува и шпанскиот крал Хуан Карлос, со кого Надал е и пријател.
Рафаел и Марија се заедно од 2005 година, но се познаваат и од претходно. Таа нема официјални профили на социјалните мрежи и не се експонира како партнерка на спортист, туку работи во секторот за финансии и ја менаџира хуманитарната организација на Надал.
