Џенифер Лопез ја носи титулата на една од најуспешните жени во светот, што го мотивирало уредникот на „Мувилајн“ да пронајде едно интервју кое познатата глумица за овој медиуму го дала во 1998 година.
Во интервјуто Џенифер ги коментирала колешките Камерон Дијаз, Гвинет Палтроу и низа други, а интересно е што за нив немала зборови за пофалба.
За Камерон Дијаз рекла дека е убава среќничка која добила многу прилики, ама ништо не направила сама.
„Прекрасна е, и кога го гледав „Венчавката на мојот најдобар пријател“, помислив: Кога некој ќе ја упати, може да биде добра“, рекла Џенифер.
Немала убави зборови ни за Гвинет Палтроу.
„Кажете ми во што глумела таа? Се колнам дека не се сеќавам ни на еден филм. Некои луѓе стануваат ѕвезди поради врските. Сум слушнала повеќе за неа и за Бред Пит отколку за нејзината работа“, рекла.
Ни ставот кон Мадона не ѝ бил многу различен.
„Мислам дека е одлична изведувачка. Да. Мислам ли дали е добра глумица? Не. Глумата е нешто со што се занимавам и затоа сум поостра“, рекла Џенифер.
Фановите на Џенифер на друштвените мрежи реагираат поставувајќи го прашањето:
„Што мисли сега за овие дами?“
