По кавгата и наводната шлаканица во домот на Карлеуша-Тошиќ, се огласи сопругот на популарната пејачка.
– Почитувани следбеници, пријатели и припадници на медиумите. Обично не сакам да се обраќам по овој пат, зашто сметам дека моето име, лик и дело треба да бидат поврзани исклучително за спортска приказна и добри хумани дела. Проследив што медиумите објавуваат во последниве денови и затоа сум приморен да се обратам на овој начин – напиша фудбалерот Душко Тошиќ на социјалната мрежа Инстаграм.
– Како што знаете и можете да видите јас секаде сум претставен како насилник и во секој наслов јас сум лошата страна. Прв сум од оние кои не поддржуваат насилство и никогаш со тоа не сум се служел. Затоа сакав да знаете дека во тие наслови на весниците јас не се пронаоѓам себеси, понатаму пишува Тошиќ и додава дека луѓето кои него го познаваат знаат дека е човек кој секогаш се труди да биде господин и дека и овојпат ќе остане доследен на себе со тоа што ќе ги игнорира измислиците и ќе чека ветрот против него да помине.
Да се потсетиме, Јелена Карлеуша за Божиќ го пријави сопругот за семејно насилство, а судот му изрече забарана од 30 дена на приближување на домот и на пејачката.
Обраќањето на социјалните мрежи, фудбалерот го искористи и за да даде поддршка на тенискиот ас Новак Ѓоковиќ сметајќи дека „сите треба да ги пренасочиме нашите мисли и енергија кон најдобриот спортист“.
