Денеска во нашиот главен град беше одржана прес-конференција по повод 34 издание на реномираниот фестивал „Макфест 2019“ година.
На средбата со новинарите беа соопштени учесниците, а исто така се изврши и ждребката за редоследот на изведувачите на првата и втора фестивалска вечер.
Директорот Владимир Дојчиновски – Дојчин вети дека и оваа година ќе се потрудат да помине се во најдобар ред и се разбира, да се изберат најдобрите песни.
– Се е подготвено, избрани се песните и учесниците на фестивалот. Сигурен сум дека и оваа година ќе имате прилика да слушате добри композиции, одлични интерпретации и модерни сценски настапи.
Инаку на сцената во Штип ќе ги видиме одличните девојки од групата „Фрајле“ и тоа со песна на македонски јазик, потоа тука е Принц, Александар Митевски во комбинација со актерот Дац, а по многу години пауза, на „Макфест“ се враќа и Росана Сариќ Тодоровска…
Фестивалот ќе се одржи на 10, 11 и 12 октомври во НУЦК „Ацо Шопов“ во Штип. Организатор на фестивалот е општината Штип со поддршка од Министерството за култура на Република Македонија, а како и сите претходни години, за преносот ќе биде задолжена МРТВ.
