Сандра Африка стана позната во јавноста кога почна да настапува со Миле Китиќ, изведувајќи ја неговата песна „Шампањац“.
Многумина тврдат дека токму Китиќ ѝ го отвори патот кон славата со тоа што настапуваше заедно со него.
Сепак, пејачката вели дека тоа не е вистина.
„На Миле Китиќ му донесов многу, а кога мене ми требаше услуга, тој го смени бројот на телефонот. Бев клинка, а подоцна сфатив дека бев многу важна за него, му донесов маркетинг. И денес пејам и знам како изгледа сето тоа. Сопствениците на клубовите секогаш бараа да ја поведе „малата црна“, никој не знаеше како се викам. Значи, кога му требав, бев супер, а кога мене ми требаше да ме поврзе со Марина Туцаковиќ, тој го смени бројот на телефонот“, изјави Сандра Африка за „Хајп“.
Пејачката неодамна ја спомена и сопругата на Китиќ, Марта Савиќ.
Бидејќи Африка се појави на сцената како танчерка на Миле, јавноста почна да се интересира за неа, а неговите настапи станаа многу посетени.
„Се гледаше дека Марта беше многу љубоморна на мене. Односно, не беше додека не ме виде во живо како изгледам, дека сум „добра риба“! Дотогаш велеше: ‘Нека оди Сандра со Миле на настапи’, затоа што знаеше дека ќе носи повеќе пари дома. Ми зборуваше: ‘Љубави, среќо’, а потоа, кога ме виде, го смени односот. Зошто се ‘истрпела’, не знам, но претпоставувам дека помислила дека сум закана. Женската суета е чудна работа, очигледно тоа беше причината. Подоцна, кога заминав, се фокусирав на тоа сама да направам кариера, почнав да пеам и да правам хитови“, раскажала претходно пејачката за домашните медиуми.
