Познатиот српски репер Стефан Ѓуриќ – Раста веќе со години живее во луксузен стан на Врачар, една од најпрестижните и најскапите локации во Белград. Токму од оваа луксузна адреса, тој често споделува кадри од приватниот живот со своите следбеници.
Базен, скара и фризер на огромната тераса
Посебно внимание во неговиот дом привлекува пространата тераса од која се протега панорамски поглед на речиси целата српска престолнина, вклучувајќи го и Храмот Свети Сава. Реперот овој дел од станот го претворил во вистинска оаза за одмор и уживање без воопшто да мора да излезе надвор.
На терасата има сместено базен и простор за подготовка на храна, па таму ги поминува топлите денови подалеку од градскиот метеж. Колку Раста е опуштен во својот пентхаус докажува и фактот што тој неретко се шиша токму на отворено. Неодамна сподели и фотографии на кои позира во заштитен мантил додека неговиот фризер го средува на терасата, што веднаш ги подгреа шпекулациите кај фановите дека реперот можеби подготвува промена на својот препознатлив имиџ.
Оаза во која ја одлежа казната
Оваа луксузна недвижност за Раста има и посебно животно значење. Наместо во класична затворска ќелија, токму во овој стан реперот своевремено го помина периодот на куќен притвор. Тој тогаш ја служеше затворската казна со електронски надзор, односно со наногица, поради што со месеци беше врзан исклучиво за овој простор.
Денес, сепак, Раста ја користи истата локација за забава, дружење со пријателите и чист хедонизам.
