Принцот Хари се збогуваше од кралското семејство и пристигна на островот Ванкувер, каде ќе започне нов живот со сопругата Меган и синот Арчи.
Војводата од Сасекс е забележан во Канада, откако тој и Меган постигнаа договор со британската кралица Елизабета Втора за повлекување од кралските должности за да бидат финансиски независни.
Американски дописник за „Скај њуз“ рекол: Тој е само на три минути возење до куќата во која со семејството помина шест недели за божиќните празници и каде војвотката се врати пред 10 дена за да биде со својот син“.
Меган се врати во Канада веднаш откако оваа вест беше објавена пред светската јавност, а Хари на хуманитарна вечера рече дека „не постои друга опција освен да се откаже од кралските должности“.
И покрај ова, принцот Хари во своето обраќање рече дека сака да стави јасно д ознаење дека тој и Меган не заминуваат, па изрази надеж дека ќе можат и натаму да им служат на кралицата, но без јавни средства.
Кралицата Елизабета Втора одржа разговори со принцовите Хари, Вилијам и Чарлс, откако Хари и Меган на 9 јануари најавија повлекување од должностите.
Подоцна беше постигнат договор за тоа војводата и војвотката од Сасекс да не добиваат кралски средства и да не можат да им се обраќаат со „кралско височество“.
Парот исто така се очекува да врати 2,4 милиони фунти кои им ги дале даночните обрзници за да ја реновираат новата куќа во Велика Британија.
Тој имот и натаму ќе го користат како своја база на Островот, но се верува дека поголемиот дел од своето време ќе го минуваат во Северна Америка.
