Светската премиера на филмот „Spencer“ кој ги следи последните години од животот на покојната принцеза Дијана се очекува со нетрпение. Принцезата Дијана во овој филм ќе ја отелотвори врвната актерка Кристен Стјуарт.
Поради потребата на улогата, актерката си ја промени бојата на косата и се појави во атрактивно издание на промоцијата на филмот во рамки на филмскиот фестивал Венеција.
View this post on Instagram
Во средата беше отворено 78-то издание на Венецискиот филмски фестивал Мостра. На најстариот филмски фестивал во светот, присуствуваа многу познати имиња.
Во четвртокот премиерно беше прикажан биографскиот филм „Spencer“ за покојната принцеза Дијана. Филмот го режираше чилеанскиот режисер Пабло Лареин, кој претходно сними филм за американската прва дама Џеки Кенеди. Филмот „Jackie“ од 2016 година освои три номинации за Оскар.
Актерката Кристен Стујарт на промоцијата на филмот во Венеција се појави во црн ултра краток комбинезон од модната куќа „Chanel“.
За премиерата на филмот „Spencer“, Стјуарт се одлучила за поскромно издание и на црвениот тепих пристигна во свилено светло зелена креација на „Chanel“.
Изборот на режисерот за актерка која ќе ја толкува улогата на Дијана првично предизвика поделени мислења во јавноста. Имено, актерката е шест години помлада од Дијана во тоа време.
Покрај тоа, Стјуарт се прослави пред десет години со улогата на Бела Свон во популарната сага „Twilight“, поради што многумина сè уште не ја сметаат за актерка од „сериозен калибар“. Сепак, тешко е да не се забележи физичка сличност помеѓу актерката и покојната принцеза.
