Новата биографија која наскоро ќе излезе на пазарот, а која ќе открие многу недоумици и бројни затскриени афери на кралското семејство, на површина извади детали од односот меѓу принцот Хари и неговиот најдобар пријател Том „Скипи“ Инскип.
Принцот Хари и Том се запознале на Универзитетот Етон. Оттогаш биле неразделни – на првите забави, заедничките патувања, летувања, зимувања и семејни собири. Во еден момент Том бил како дел од семејството.
Но кога Хари ја објавил свршувачката со Меган, неколку блиски пријатели и роднини на принцот го искажале своето мислење околу тоа. Меѓу нив бил и принцот Вилијам, кој сметал дека неговиот брат избрзува со одлуката за венчавката.
Според наводите во биографијата и Том го делел истото мислење. Познавајќи го својот најдобар пријател, Том на Хари му сугерирал прво да почнат да живеат заедно со Меган, па дури потоа да донесат толку важна животна одлука.
Според зборовите на авторот на биографијата „Finding Freedom“, принцот Хари овој совет не го доживеал добронамерно, туку како напад на Меган.
„Хари беше многу поврден зашто некој толку близок не му верува за големата животна одлука што ја донел“, објаснува авторот на биографијата.
За работите да станат уште полоши, принцот Хари и Меган Маркл одлучиле Том и неговата сопруга Лаура да ги изостават од пописот на гости на венчавката во Фрогмор.
Тие присуствувале на црковната венчавка во дворецот Виндзор, но не биле добредојдени на забавата која подоцна се одржала во палатата. Таму наместо најблиските пријатели на Хари се забавувале новопечените пријатели на парот – Опра Винфри, Амал и Џорџ Клуни, Викторија и Дејвид Бекам, како и останатите гости, пишува во биографијата.
