Легендата на Битлси, Пол Мекартни силно ја поддржа британската кампања за вакцинација против коронавирусот, ветувајќи дека ќе биде една од првите sвезди во светот кои ќе се вакцинираат.
Познатиот музичар припаѓа на третата генерација на британски граѓани според приоритетот за вакцинација, бидејќи тој е во групата на лица постари од 75 години.
Според британскиот портал „The Sun“, Мекартни истакнал дека верува во вакцинацината која Велика Британија ја нуди како излез од мрачниот период на пандемијата предизвикана од коронавирусот.
– Вакцината ќе не извлече од ова, рече Макартни во едно интервју, додавајќи:
– Мислам дека ќе излеземе надвор, знам дека ќе го направиме тоа и вакцината е одлична вест. Ќе ја примам вакцината веднаш штом ќе дојде мојот ред, ветува музичарот.
Тој исто така призна дека едвај чека да се врати на сцената откако фестивалот „Гластонбери“ беше откажан оваа година.
