Глумицата Кели Престон почина на 58-годишна возраст од рак на дојката. Тажната вест на Инстаграм ја потврди нејзиниот сопруг Џон Траволта.
„Со скршено срце ви јавувам дека мојата преубава сопруга Кели ја изгуби двегодишната битка со ракот на дојката. Храбро се бореше со љубов и поддршка од многумина. Љубовта на Кели никогаш нема да ја заборавиме. Ќе поминам некое време со нашите деца кои останаа без мајка им, па простете ми ако извесно време не слушнете ништо за нас. Знајте дека ја чувствувам вашата љубов во неделите и месеците пред нас, додека се обидуваме да ги залечиме нашите рани“, напиша Траволта.
Кели Престон ја помниме најмногу по улогите во филмовите „Близнаци“ и „Џери Мекгваер“, а последниот филм што го сними е „Последната песна“ со Мајлио Сајрус.
Кели и Џон се венчаа во 1991 година и имаат две деца – ќерката Ела (20) и синот Бенјамин (9). Нивниот најстар син Чет почина во 2009 година.
