Растодер Рас, попознат како Цита, епизоден актер со веројатно најмногу улоги во српската кинематографија, почина во понеделникот.
Тој почина на 86-годишна возраст, а веста ја потврдија неговите блиски пријатели од кафулето „Три секунди“ за српскиот „Курир“.
Погребот се случи денеска на гробиштата Нова Бежанија.
Во својата богата кариера остави неизбришлива трага, играјќи во култни продукции како „Маратонци го трчаат почесниот скут“, „Балкански експрес“, „Балкански шпион“, „Разбојништво на третиот рајх“, „Три билети за Холивуд“ , но и во култните серии „Среќни луѓе“ и „Семејно богатство“.
Неговата последна филмска улога беше во филмот „Дара од Јасеновац“.
Роден е на 28 октомври 1938 година како Мехмедалија Растодер, а по смртта на мајка му, тргнал за Белград. Прво работел во автомеханичар, а потоа низ сплет на околности го запознал актерот Боро Тодоровиќ кој го однел кај Мира и Бојан Ступица.
Тој го запознал Бред Пит во 1988 година, кога Божидар Бота Николиќ го снимал филмот „Темната страна на сонцето“ на црногорското приморје и на кастингот, меѓу десетици актери, го избрал тогаш младиот актер Бред Пит. Подоцна играше епизодна улога и во филмот на Анџелина Џоли „Во земјата на крвта и медот“.
