Бразилскиот музичар Жоао Жилберто, еден од основачите и легендите на стилот боса-нова чијашто песна „The Girl from Ipanema“ и по шест децении откако е снимена е многу слушана, почина на 88-годишна возрас, објави на социјалните мрежи неговиот син Жоао Марсело.
„Мојот татко почина. Неговата борба беше благородна, се обидуваше да го сочува достоинството додека ја губеше својата автономија“, напиша на Facebook Жоао Марсело за својот татко кој живееше осиромашен и осамен во Рио де Жанеиро.
Агенцијата АФП наведува дека Жилберто последните години се соочувал со здравствени проблеми и бил исклучително слаб. Според Ројтерс, музичарот починал во неговиот дом во Рио.
