Се повеќе холивудски ѕвезди им се придржуваат на социјалните мрежи, а сега уште еден член од А листата стана дел од Инстаграм.
Станува збор за актерот Метју Меконахи кој вчера го прослави педесетиот роденден. За својата прва објава одлучи да биде креативен па направи видео во кое призна дека е малку нервозен што станал дел од Инстаграм заедницата.
– Кога луѓето ќе дојдат на мојата страница сакам да ме видат мене. Ова е мојот прв потфат во споделувањето на сам себе и моите ставови со светот и малку сум нервозен поради тоа, бидејќи искрено, знам дека сакам да водам монолог, но не сум сигурен дали сакам дијалог. Но, знам дека треба да постои и дијалог, затоа се радувам на ова, изјави тој во видеото.
