Популарната пејачка Камила Кабељо во новиот есеј за „Wall Street Journal“ открила за се уште непознати детали од нејзината борба со анксиозноста и опсесивно-компулсивното растројство.
„Плачев во автомобилот и разговарав со мајка ми за тоа колку ме мачи анксиозноста и ОКР. Во хотелската соба читавме книги за ова пореметување, бидејќи очајно ми беа потребни утеха и олеснување. Цело време доживував ужасна и немилосрдна тешкотија поради која ми беше навистина тешко“, напишала пејачката.
„Се срамев од оваа состојба и одбивав да зборувам за тоа бидејќи сакав да оставам впечаток на силна жена“, додала.
„Мојот живот на социјалните мрежи не е мојот вистински живот. Позади блескавите настапи и луксузниот живот се криеше една голема тајна, но не сакав луѓето кои веруваа во мене и моите способности да помислат дека сум слаба“, признала Камила.
Со болеста во последно време добро се носи и вели дека сега ја има прифатено како „пријателка“.
„Пред ова таа беше нешто што ми го одземаше животот и мојот хумор, креативноста, радоста, довербата во самата себе и многу други работи. Знам дека таа сака само да ме заштити, но не ѝ посветувам многу внимание. И сигурно веќе не ѝ дозволувам да наместо мене носи одлуки“, заклучила пејачката во текстот.
