Марија Шерифовиќ неодамна го коментираше феноменот на популарноста на младиот изведувач Јаков Јозиновиќ.
Таа отворено зборуваше за неговата публика, тимот што стои зад него и неговата кариера, а откри и зошто не гостувала на негов концерт. Како што вели, би се одѕвала на поканата, но не ја добила.
Зборувајќи за публиката на Јозиновиќ и прашањето колку ќе трае неговата популарност, Шерифовиќ рече дека смета оти постарите генерации често не разбираат што слушаат младите денес.
„Гледајте, тоа е тема што ние не можеме да ја разбереме, тоа се деца. Неговата целна група е помладата публика, иако секогаш ќе се најде и некој постар што ја сака таа музика. Ќе анализираме ли сега како дошло до тоа? Па очигледно некому му се допаѓа“, изјави таа за Радио С.
Таа додаде дека не гледа смисла во предвидувањата за тоа колку долго ќе трае неговата популарност.
„Ќе чекаме ли година или две, па да коментираме што ќе биде кога ќе почне да снима авторски песни? Тогаш ќе станеме оние луѓе кои само седат на страна и критикуваат“, рече таа.
На сите на кои им пречи неговиот успех, им порача: „Оставете го човекот, оставете го детето. Дали е ова моментален бран? Можеби е. Но што тогаш? Заработил пари и тоа е сосема во ред.“
На прашањето на водителката дали за време на одморот на Бали размислувала каде ќе биде Јозиновиќ за неколку години, Шерифовиќ низ смеа одговорила: „Имав навистина попаметна работа.“
При крајот на разговорот, таа ја коментираше и можноста да гостува на негов концерт.
„Би гостувала, но никој не ме повика. Ги знам луѓето што работат со него и знам како функционираат. Јас можеби некои работи би ги правела поинаку, но тоа ништо не менува“, заклучи Шерифовиќ.
