Оркестарот Калуш победи на Изборот за песна на Евровизија 2022 година, претставувајќи ја Украина, со песната „Стефанија“, песна посветена на сите украински мајки.
View this post on Instagram
Песната „Стефанија“ , составена од микс од рап стихови со фолк и хип хоп ритам, се базира на вистинските животни приказни. Со оваа песна, украинскиот бенд ги освои сцената и срцата на публиката на Евровизија 2022 година – со својата уникатна мелодија и со своите важни пораки. Со своето учество на натпреварот, Калуш станаа лицето и гласот на нацијата која минува низ тешки и трогателни времиња.
View this post on Instagram
Изминативе денови со концерт пред Бранденбуршката порта во Берлин, музичките ѕвезди од Украина собираа донации за својата татковина каде речиси 100 дена беснее војна. Меѓу настапувачите беа и евровизиските победници „Калуш оркестра“.Околу 15.000 луѓе го следеа донаторскиот музички маратон вчеравечер во центарот на Берлин, соопштија организаторите и полицијата. Концертот под мотото „Save Ukraine – #StopWar“ беше во живо пренесуван од страна на украинските телевизиски канали, но и од страна на телевизии од други земји. Меѓу другите, на музичкото шоу настапи и украинскиот победник на годинешниот Избор на песна на Евровизија, „Оркестарот Калуш“ . Притоа, бендот објави дека на аукција го продал победничкиот трофеј од овогодинешниот Евросонг за 900 илјади американски долари. Овие пари, според бендот, ќе бидат наменети за помош на украинската армија, која ја брани нивната татковина од руската инвазија. За време на музичкото шоу беа прикажани видео пораки од бројни меѓународни познати личности и политичари, вклучувајќи го и германскиот канцеларт Олаф Шолц. Тој во обраќањето уште еднаш го увери народот на Украина во солидарноста на Германија.
View this post on Instagram
„Пријатели, вие сте неверојатни! Благодарни сме на секој од вас што донираше средства за оваа аукција, а особено на тимот на Whitebit кој го купи трофејот за 900.000 долари и сега стана негов сопственик. Претплатете се на нив, тие навистина го заслужуваат тоа. Слава на Украина! Слава на вооружените сили на Украина“, објавено е на Фејсбук профилот на оваа група, пренесува „Укринформ“
View this post on Instagram
