Во јавноста одамна кружи гласина дека Ѓорѓе Балашевиќ за хонорар од 2.000 евра пишувал песни за фолк-изведувачи. Овие наводи го шокираа неговото обожавателско јадро, кое тоа го доживеа како предавство на неговите уметнички принципи.
На ова се надоврза и изјавата на пејачот Милан Топаловиќ – Топалко, кој раскажа дека песната „Мегдан“ му ја дал лично Балашевиќ. Но, сопругата на починатиот кантавтор, Оливера Балашевиќ, остро ги демантираше сите овие тврдења.
– Тоа не е точно! Ѓорѓе никогаш не напиша песна за ниеден фолк-изведувач, ниту пак би се криел зад лажно име. Секогаш стоеше зад своето творештво и точно се знае за кого пишувал – рече таа, наведувајќи примери како Кики Лесендриќ, Здравко Чолиќ, Биља Крстиќ…
Оливера потенцира дека тие се во добри односи со бројни народни пејачи – меѓу кои и Лепа Брена, Миодраг Илиќ и Сека Алексиќ – но никој од нив никогаш не побарал песна од Ѓорѓе.
– Не мислам дека пишувањето за народњаци е нешто понижувачко, напротив. И во тој жанр има прекрасни текстови со силна поетика. Но, Ѓорѓе едноставно не доби таква понуда – заклучи Оливера.
