Познатиот српски музичар Оливер Мандиќ во моментов се наоѓа во болница, каде што се подготвува за сериозна операција.
Веста за неговата здравствена состојба ја сподели медиумскиот магнат Жељко Митровиќ, кој денеска објави фотографија со рок-легендата, откривајќи дека операцијата е закажана за утре, 11 март.
Медиумите се обидоа да стапат во контакт со Мандиќ, но тој кратко одговори: „Сè ќе биде добро. Во моментов ми мерат притисок, тука сум со анестезиологот, па не можам да зборувам, но ќе биде сè во ред“.
Мандиќ во последно време ретко се појавува во јавноста. Последен пат беше виден на погребот на својата блиска пријателка и музичка легенда, Слаѓана Милошевиќ. Тогаш беше видно потресен, носејќи очила зад кои не можеше да ја сокрие својата тага.
