На денешен ден пред 28 години на 9 октомври, 1991 година во Банија – Хрватска на свиреп начин беше убиен Зоран Амиџиќ, како и тројца негови колеги – дописници од градот Шабац за РТС.
На Огнен Амиџиќ (44) и неговото семејство веста им ја соопштиле двајца полицајци без никакви детали за убиството. Медиумите тогаш пишуваа и вршеле притисок на државните органи со цел да се обелодени под кои околности загинале нивните колеги.
Меѓутоа, точни информации како настрадале четворицата новинари нема до ден-денеска.
– На денешен ден секогаш идеме на гроб, секогаш се собира семејството и пријателите. Еве, веќе 28 години доаѓаме и сите и ни стана како традиција. Секој ден се присетувам на тој ден. Ова е само ден кога ние се собираме и некако заедно ќе ја поделиме тагата која е во нас толку години. Многу ми е тешко да зборувам за тие работи, некои работи поминуваат, некои не, некои добиваат поинаков облик, меѓутоа секогаш во нас ќе остане голема болка и лутина – изјавил познатиот водител.
На прашање околу расветлувањето на убиството, Огнен признава дека повеќе не се надева дека ќе откријат кој го направил тоа.
– И понатаму не се знае кој го сторил тоа и мислам дека веќе не е возможно да бидат најдени истите. Сепак, помина толку време, искрено не се надевам – изјавил Амиџиќ за српски „Телеграф“.
