Пред неколку дена, на социјалните медиуми се прошири информација дека сопругот на српската пејачка Сека Алексиќ добил дете со семејната дадилка.
Алексиќ веднаш реагираше на ваквите, како што самата вели, измислици и застана во одбрана и на семејството и на нејзиниот сопруг Вељко Пиљикиќ.
Имено, еден твитерџија сподели статус во кој го напиша следново: „А, Вељко на Сека кој ѝ направи дете на дадилката, а таа тука ми глуми семејна идила“.
Ali Veljko Sekin koji je napravio dete dadilji a ona glumi porodičnu idilu
— dedalaki (@dedalaki1) January 31, 2024
Пејачката за „Блиц“ изјави дека е шокирана и разочарана од сите што можеле да измислат такво нешто.
„Семејството е свето, срам да му е на секој што ќе го допре мојот брак и сопруг. Нека се плашат од Бога оние што измислуваат вакви приказни“, изјави Алексиќ за „Блиц“.
Инаку, Сека Алексиќ и Вељко Пиљикиќ се во брак од 2010 година. Двајцата живеат брачна идила во Стара Пазова, каде изградија дом од соништата.
Имаат два сина Јаков и Јован, на кои и двајцата им се многу посветени.
