Обвинителството на Барселона побара за пејачката Шакира 8 години и два месеци затвор во случајот за затајување данок. Од пејачката се бара и да врати над 23 милиони евра во форма на парична казна, пишуваат шпанските медиуми.
Потсетуваме, пејачката е обвинета за неплаќање данок на шпанската држава. Адвокатите на пејачката изјавија дека нема директни докази дека Шакира поминувала повеќе од 183 дена годишно во Шпанија.
Според законодавството на земјата, поединецот автоматски станува даночен резидент доколку поминал повеќе од 183 дена во земјата, а лицето е должно да плаќа даноци, вклучително и за приход добиен во странство.
Пејачката инсистира дека поголемиот дел од времето не живеела во Шпанија, туку на Бахамите. Државното обвинителство сепак, го потврди даночниот долг во износ од околу 14,5 милиони евра.
Претходно пејачката одби договор во случај на неплаќање данок. За да избегне судење, шпанското обвинителство и понудило на Шакира да плати парична казна. Таа сепак одлучила дека договорот не е во нејзин интерес.
Шакира беше во врска со дефанзивецот на Барселона, Жерар Пике од 2011 година и имаат две деца. Двојката неодамна објави дека се разделува.
