Сега е време на пост и Рамазан, да се молиме за жртвите, порача актерот Милош Биковиќ на својот инстаграм-профил и им понуди поддршка на семејствата на загинатите во синоќешниот терористички напад во Москва.
„Доколку знаете дека на некоја од жртвите ѝ е потребна финансиска или каква било помош, пишете во коментар. Мислам дека овде нѐ има доволно што сакаме да помогнеме да покажеме солидарност. И барем некако да им го олесниме страдањето на жртвите. Ги замолувам оние што сакаат да помогнат да не одговараат на коментари, туку само на проверени информации кои ќе ги објавиме по проверка. Време е на пост и Рамазан, да се молиме за настраданите, ако некој сака да помогне, може да се придружи“, напиша Биковиќ.
View this post on Instagram
Според досегашните податоци, во терористичкиот напад на „Crocus City Hall“, во близина на Москва, загинаа 93 лица, соопшти денеска Рускиот истражен комитет. Ова беше најсмртоносниот напад во Русија во последните 20 години.
