Сигурна сум дека во наредните две години ќе се остварам како мајка – вели Марија
Српската пејачка Марија Шерифовиќ во Новата година влегува со најголемата желба – да стане мајка. Единствената српска победничка на Евровизија изјавила дека ќе се потруди што побрзо да оформи семејство.
– Доста сериозно размислувам на таа тема. Сметам дека тоа е најголемиот животен триумф. Морам да ви признаам дека кога помислувам на тоа многу се радувам. Сигурна сум дека во наредните две години ќе се остварам како мајка – вели Марија и притоа одговорила на прашањето дали ќе оди во банка за сперма или ќе посвои бебе:
– Најлогично е моето дете јас да го донесам на свет. Само се надевам дека нема да биде пејач или пејачка (се смее). Што се однесува до мене, може да биде музичар, но никако изведувач. Важно ми е да биде живо, здраво и паметно. Но, сигурна сум дека подобро би се снашла со син. Од друга страна, би ми било многу интересно да имам девојче кое ќе биде мал бандит како мене. Ќе видиме што се се случи – изјавила Марија и додала дека не е заљубена.
– Не сум заљубена, ниту планирам да се заљубам. На кого му треба љубов?
