Во астрологијата Нептун ги означува нашите уметнички способности, дали сме реални или фантазери, на кој начин ја доживуваме околината. Оваа планета владее со интуицијата, психичките способности, но и духовноста. Владее со музиката, поезијата, танцот, глумата.., но мистичниот Нептун знае да ни даде и збунетост, склоност кон измами и конфузност.
Да го погледнете заедно значењето на наталниот Нептун во 12-те атсролошки знаци, за подобро да се разбереме себе или оној за кого изработуваме натална карта.
Што значи да имате Нептун во Овен: Можете да имате соништа што ќе ве вознемируваат и будат. Вашата фантазија е премногу бујна. Имате нагласена интуиција. Сепак, бидете внимателни да не го предизвикувате „морето“ премногу.
Нептун во Бик: Доволно сте чувствителни за да можете да им ја покажете вашата љубов на оние кои ви значат. Имате живописна фантазија во кујната.
Нептун во Близнаци: Нагласено екстровертни и имагинативни. Црпете ја енергијата што доаѓа од идеите кои брзо минуваат низ вашата глава.
Нептун во Рак: Затворени во свој свет и не знаете како да излезете од тоа. Се чувствувате дека не сте разбрани од другите. Вашата фантазија се чини дека е далеку од онаа на другите кои не ве разбираат.
Нептун во Лав: Ваквата поставеност на Нептун дава голема имагинација достојна за моќта на самиот знак. Имате големи идеи, а најдобро е ако инвестирате во независни проекти – токму таквите може да ви донесат голем успех.
Нептун во Девица: Оваа поставеност на Нептун не е многу добра, и дава прагматични личности, расудувачи, калкулатори и „интересџии“. Шкрта имагинација.
Нептун во Вага: Успевате да го пронајдете вистинскиот баланс, дури и при изборот на пријателства, исто како и во потрагата по идеи. Не сте многу склони кон имагинацијата, туку повеќе сте конкретни. Честопати вашите соништа зборуваат за неправдите со кои се соочувате.
Нептун во Шкорпија: Тука делувањето на Нептун е нагласено, па овие лица често се заинтересирани за паранормалното. Совршена позиција за магионичари и хипнотизери.
Нептун во Стрелец: Вашите соништа често се поврзани со странство, со луѓе од други етнички групи. Вашата фантазија надминува вообичаени простори.
Нептун во Јарец: Не е добра позиција. Дава личности кои се премногу конкретни, нагласено реални и не се многу склони да сонуваат.
Нептун во Водолија: Одлична позиција на Нептун и гарантира многу слободни луѓе и одлични уметници.
Нептун во Риби: Нептун владее токму со овој знак и затоа тука се наоѓа во егзалтација. Одлична позиција која ја нагласува чувствителноста, имагинацијата и креативноста. Најдобри музичари, сликари, поети….
