Фреди Меркјури и Мајкл Џексон биле многу блиски пријатели за време на осумдесетите години.
Меѓутоа, пејачот на групата „Queen“, Фреди Меркјури, не можел да ги разбере необичните навики за спиење на кралот на поп-музиката, пишува Miror.
Тие двајца често работеле заедно на песните во студиото на Џексон во Енсин, Калифорнија, па Фреди бил често во друштвото на Џексон.
Во разговорот за Метро, личниот асистент на Фреди, Питер Фристон, се присетил на еден детал:
„Ги прифаќате луѓето такви какви што се. На пример, Мајкл Џексон. Фреди и јас одевме до неговата куќа за да снимаме и по 8 часа дневно. Тоа беше во 1983 година, а Фреди и Мајкл соработуваа на три различни албуми во тој момент. Но, Мајкл никогаш не се однесуваше поинаку спрема мене, отколку спрема Фреди. Мајкл и јас игравме видео игри по половина час додека Фреди излегуваше да пуши“
Но сепак, му било прилично тешко на Фреди да се помири со навиките за спиење на Мајкл. Иако биле во неговата куќа вредна милиони, Џексон немал правилен кревет, туку душек и така на него спиел на подот. Фреди го заинтригирало тоа, па го прашал Џексон за тоа.
„Фреди едноставно не можеше да премолчи, бидејќи на сред подот се наоѓаше тој огромен душек, наместен како кревет. Фреди му рече: ‘Ги имаш сите тие пари, зошто не купиш кревет?’, а Мајкл му одговори: ‘Се чувствувам многу подобро кога сум поблиску до земјата’. Фреди пак на тоа му одговори: ‘Па колку си блиску ако немаш кревет? Ние сме на спрат моментално.’
Питер се присетува дека Фреди и Мајкл давале се од себе кога „припремале нешто“ заедно. Тој се сеќава дека истото се случувало и со Дејвид Боуви кога го снимале „Under Pressure“ за Квин.
