Пејачката Маја Николиќ ќе застане на лудиот камен веќе во февруари, дознава српскиот медиум „Курир“. Свадбата се планира за околу еден месец, а избраникот на срцето на пејачката е угостител, сопственик на кафана во која таа често настапува.
Името на идниот сопруг е познато на редакцијата, но парот засега сака деталите да ги задржи далеку од очите на јавноста. Токму во неговата кафана, според извор близок до двојката, нивната романса дополнително се зацврстила.
Во минатото, идниот сопруг на Маја бил поврзуван со раковичкиот клан, чиј водач бил Небојша Стојковиќ Стојке, но денес, како што наведуваат изворите, се занимава исклучиво со приватен бизнис и води мирен семеен живот.
До сознанијата за претстојната свадба медиумите дошле по семејна прослава што тој неодамна ја организирал по повод роденденот на своето внуче. Тогаш, во кругот на најблиските пријатели и роднини, открил дека планира женидба и дека венчавката ќе се одржи во февруари.
„Тој е исклучително добар и духовит човек. Многу е заљубен во Маја и јасно се гледа дека убаво им е заедно. Се познаваат веќе извесно време, а таа често пее во неговата кафана. Тоа е интимно место со посебна атмосфера, каде доаѓаат луѓе што сакаат добра музика и пријатно друштво. На роденденот на неговото внуче дознавме дека ќе се жени“, вели извор близок до парот.
Како што дополнително се дознава, избраникот на Маја досега никогаш не бил во брак. На 55-годишна возраст, решил да го направи овој чекор токму со пејачката.
„Цел живот беше ерген и никогаш не застанал пред олтар. Маја му ‘легна’ како жена и токму поради тоа се одлучи за брак. Сè се држи во строга тајност, мал број луѓе знаат дека свадбата ќе биде во февруари“, додава соговорникот.
Маја Николиќ претходно јавно зборуваше дека е во стабилна врска, но долго време не го покажуваше својот партнер. Во еден период дури тврдеше дека има сопруг кој живее во Лос Анџелес, за подоцна да се испостави дека станува збор за измислена приказна.
Инаку, пејачката двапати досега била во брак. Со првиот сопруг, музичарот Мирко Шќепановиќ, го има синот Новак. По разводот, таа сама го одгледувала детето, што често го истакнувала во јавноста. Во вториот брак, со Вук Кандиќ, доби син, но старателството му било доделено нему.
„Не се каам за ништо. Моите најголеми награди се моите синови Новак и Лазар. Секогаш велам дека е подобро добар развод отколку лош брак. Сè што правев, го правев од срце и од љубов“, изјави Маја во една пригода.
