Кејт Мидлтон, сопругата на британскиот принц Вилијам, кој еден ден би требало да стане и крал, во 2013 година го роди нивното прво дете, принцот Џорџ.
Експертот за кралските семејства Кејти Никол од „Vanity Fair“ открива дека војвотката од Кембриџ сакала малиот принц да се вика Александер, пишува „The Mirror“.
– Многу сакаше нејзиниот прв син да се вика Александер, но брзо сфати дека тоа име нема да биде одобрено од кралицата, па направи измена, изјави Никол.
Принцот на крајот го доби името Џорџ, по таткото на кралицата Џорџ VI, но Кејт сепак успеа неговото средно име да биде Александер.
Кејт и Вилијам, покрај принцот Џорџ, ја имаат и ќерката – принцезата Шарлот и синот – принцот Луис.
