Раперот и музички продуцент Канје Вест ја најави својата кандидатура на претседателските избори во јули оваа година.
По тој повод, раперот гостуваше во емисијата со комичарот Џо Роган, а по тој повод објасни што го навело да се кандидира на претседателските избори во Америка.
„Почувствував повик. Сфатив дека тоа е она што Бог го сака од мене и дека треба да бидам лидер на слободниот свет. Иако веќе бев лидер во светот на хип хоп музиката и имам публика во целиот свет, ова е нешто друго и ново. Јас не сум тука за да го срушам Трамп или Бајден, тука сум за да ги пренесам Божјите пораки“, изјави Вест.
Со оглед на фактот дека подоцна се приклучи во кампањата, водителот го праша раперот зошто се одлучил на овој потег дури во јули?
„Коронавирусот е виновен за сè. Таа болест ми го попрече патот и морав да седам дома во карантин наместо да се борам. Се тресев, јадев супа цело време и морав да оставам сè настрана се додека не бев целосно подготвен за битка. Но, верата отсекогаш постоела и таа ме води. Ние ќе ја направиме оваа земја уште посилна, а нашето семејство, кое е основа општеството, ќе биде во центарот на сè. Баш онака како што Бог сака“, рече Канје во интервјуто.
