Кајли Џенер ја потсети јавноста дека нејзиниот седуммесечен син се уште нема име. На почетокот таа и нејзиниот партнер Тревис Скот го нарекоа Волф, но брзо се предомислија. За време на втората сезона на серијата „Кардашијанс“, реалити ѕвездата прозборе за името на нејзиниот син и откри дека неговото легално име е сепак Волф Вебстер, иако сака да го промени.
Како што откри, изгледа почувствувала притисок да го именува својот син и се согласила со името Волф, име кое и го предложила нејзината сестра Клои. Отпрвин и се допаднало, но како што поминувало времето се повеќе ѝ се чинело дека не го избрала вистинското име.
– Навистина немавме име. Мислев дека ќе ни текне кога ќе го видиме. Но, не. – рече Кајли и додаде дека го нарекла Волф кога морала да се потпише на изводот на родени затоа што „чувствувала притисок“.
– Го нарековме Волф и веднаш откако го потпишав изводот, си помислив: „Што направив?“ – рече таа и откри дека Тревис постојано размислувал за името.
– Тревис веќе неколку пати го менуваше името на синот. Еден ден му се допаѓа, а следниот ден пак сака да го промени. Ѝ реков: Не можеме да го повториме ова – рече таа и се пошегува дека сега чекаат „малиот да порасне и да си даде име“.
