Хрватската пејачка Јелена Розга имаше исклучително успешна година. Нејзините песни „Лавица“ и „Од чега сам ја“ беа наградени со музичката награда „Цесарица“, а нејзините концерти беа распродадени низ целиот регион.
Минатиот викенд, таа беше дел од десетте изведувачи на концертот „Хрватска ноќ“ во Франкфурт и во таа прилика откри по што ќе ја памети 2024 година.
„Ќе ја паметам по многу убави концерти и по љубов. Среќна сум и никогаш поисполнета. Беше навистина добра година за мене“, изјави Розга за „24 сата“.
„Одам кај мене дома, ќе седнам на брегот, ќе јадам и ќе пијам кафе. Се надевам дека времето ќе биде убаво и така ќе бидам со часови, а можеби и ќе фатам некоја боја“, изјави пејачката.
Новинарската екипа на „24 сата“ ѝ го постави прашањето: „Како ти изгледа списокот со желби за 2025 година?“.
„Само здравје и толку! Сè друго ќе си дојде на свое. Вредна сум, сакам да пеам, ја сакам својата работа повеќе од сè на светот. Само нека ме служи здравјето“, заклучила таа.
