Јелена Розга зборуваше за својата врска со Иван Хуљиќ и неговата поддршка. И двајцата се во музичката индустрија, па Иван има разбирање за нејзините настапи и патувања.
– Денес ме праша „до кога си дома?“ Му велам, одам сега, ќе бидам ден и пол, па пак одам. А што ќе, мора – вели Розга.
– Ни е убаво, љубовта е најубавото нешто на светот – додаде таа.
На прашањето дали ќе земе пауза, со смеа одговорила: – Па… не знам.
За дружењата со семејствата Хуљиќ и Грашо рече:
– Најмалку се зборува за музика. Петар и јас доаѓаме од пат, па сакаме лесни теми. Тончи е тој што отвора тема за песни и работа, па му велиме: „Дај, Тончи, само 10 минути да завршиме ручек.“
Гласините за врската меѓу Јелена и Иван траат од минатата година. Заедно беа видени во Торонто во март, заедно со Петар Грашо. Фотографиите биле објавени на Instagram, но подоцна избришани.
