Последниве денови семејството Бекам е главна тема во светските медиуми поради нарушените семејни односи. Да потсетиме, синот Бруклин не се појавил на роденденот на Дејвид, а подоцна се дозна дека главен проблем и на Дејвид и на Викторија е снаата Никола Пелц.
Проблемите меѓу Бруклин и Никола со семејството траат со години, со кратки периоди на мир, но сега изгледа дека ситуацијата излезе од контрола.
Ова беше голема „шлаканица“ за Викторија, која со години се трудела да ги прикаже семејните односи како идеални. Во еден момент, дури и Јелена Ѓоковиќ ја прашала за родителски совети.
Сопругата на српскиот тенисер искрено зборувала за родителството и анксиозноста која ја чувствувала поради медиумскиот притисок. Најголем проблем ѝ биле папараците кои ги следат нејзините деца каде и да одат, па совет побарала од Викторија и Дејвид Бекам. Нивниот одговор, иако искрен, ѝ делувал како ладен туш.
„Барав одговор, немав од кого да прашам, никој од нашето опкружување нема слично искуство. Пред околу шест години бевме на вечера со Дејвид и Викторија, и ги прашав: ‘Како се носите со оваа слава и животот, имате четири деца?’“, раскажа Јелена.
Тогаш била многу анксиозна, со силна потреба да ги заштити децата од јавноста.
„Тие само го прифатија тоа и рекоа: ‘Па добро, мораш да го прифатиш тоа како реалност’. Видов дека и тие имале анксиозни моменти, па мислам дека тоа е природно за секој родител“, рече Јелена.
„И јас секојдневно се учам да ги прифаќам ситуациите наметнати од оваа улога. Понекогаш се чувствувам како да ги изневерив децата што ги изложив на сликање и проценување. Кај нас ни родендени ни крштевки не поминуваат без некој што снима“, заклучи таа.
