Хрватскиот пејач Јаков Јозиновиќ предизвика вистинска еуфорија на социјалните мрежи откако во саботата објави краток исечок од својата нова песна на ТикТок, кој за само 24 часа собра околу 792.000 прегледи.
Покрај видеото, тој кратко напиша: „Јас кога сфаќам дека Арена Загреб прва го слуша новиот албум! Погодете го датумот на објавување“.
Во видеото, Јозиновиќ трча низ улиците на Амстердам и пее дел од новата песна, без голема продукција и посебно сценарио. Облечен е едноставно – во фармерки, бела маица и светлосина јакна.
Во исечокот се слуша дел од рефренот, кој веднаш ги освои неговите обожаватели:
„Бидејќи ти си моја желба, почеток и крај.
До крајот на светот, затоа постојам јас.
Ќе те сакам, ќе те љубам, не ми е гајле за другите.
Со тебе ги живеам соништата, со тебе ги сакам лудите ноќи.“
@jakov.jozinovicJa kad skužim da Arena Zagreb prva sluša novi album!! Pogodite datum izlaskaaaa 🫶🏻🫶🏻
Фановите брзо почнаа да го споделуваат текстот во коментарите, а многумина прогнозираат дека песната ќе стане голем летен хит.
„Ни го спаси летото“, „Твојата енергија е сè! Имаш нов хит“, „Мислам дека ова ќе биде хит за првиот свадбен танц“, се само дел од позитивните реакции.
Исечокот доаѓа во период кога Јозиновиќ интензивно го најавува својот нов албум. Песната што ја претстави на ТикТок е дел од тој проект, иако точниот датум на објавување сè уште не е откриен.
Во меѓувреме, во тек се подготовките за неговите распродадени концерти во Арена Загреб, закажани за средината на јуни. Првиот концерт ќе се одржи на 19 јуни, а вториот ден подоцна, кога публиката ќе има можност во живо да слушне и дел од новите песни, покрај изведбите што му ја донесоа големата популарност.
