Поранешната снаа на српскиот фолк пејач Драган Којиќ Кеба, Софија Дачиќ, се појавила синоќа на настан во Белград, а со медиумите зборувала за натпреварот, како и за скандалот што се случил во живо во програмата, кога Дара Бубамара ја споредила со Северина Вучковиќ.
Инаку, за потсетување, Софија Дачиќ учествува во српското музичко натпреварување „Ѕвездите на Гранд“, во кое, меѓу другите, членови на жирито се нејзиниот поранешен свекор Кеба и Дара Бубамара.
Имено, Дара ѝ рекла на Софија дека неодоливо ја потсетува на хрватската пејачка, што ги изненадило сите.
– Го обожавам Јаков и едвај чекам да започне концертот, затоа сум тука. Сега ми оди одлично во „Ѕвездите на Гранд“. Почекајте додека не го видите вториот круг – рекла Софија, а потоа додала:
– Луѓето се задоволни, а и јас. Имам одличен однос со Кеба, сè е навистина како што треба да биде. Тој гласаше за мене во првиот круг. Бев изненадена кога Дара ја направи споредбата што ја направи. Мислам дека и самата беше изненадена, сите јасно ја видоа нејзината реакција.
Еден од најкратките бракови на сцената е бракот на Софија Дачиќ и Игор Којиќ, синот на Кеба, кој претходно беше во брак со Северина. Сепак, по разводот, немаше тешки зборови, кавги и препирки, и двајцата наскоро ја пронајдоа својата нова среќа во љубовта.
Игор неодамна се појави на концертот на својот татко Драган Којиќ Кеба со својата нова партнерка, а Софија потоа проговори и откри дека и таа е многу среќна во љубовта.
