Светските медиуми пренесуваат дека првиот човек на „Тесла“, Илон Маск, почнал да го исполнува она што го напишал на Твитер, а што неговата компанија скапо ја чинеше.
Маск на 1 мај објави твит дека го продава целиот недвижен имот, односно дека не сака да поседува куќа. Според некои извори, американскиот милијардер наводно ставил две куќи на продажба.
Маск за две вили во Лос Анџелес бара 39,5 милиони долари, а едната од нив претходно му припаѓала на познатиот глумец Џин Вајлдер.
Меѓутоа, не е доволно само да се има пари за неа. Маск на Твитер повторно напиша дека „вилата не смее да биде урната, ниту да ја изгуби душата“.
За куќите во Лос Анџелес е наведено дека ги продава сопственикот, а не агентот за продажба, што некои ги наведе да се прашаат дали Маск е сериозен во оваа намера или можеби сајтот Zillow, на кој се објавени огласите е хакиран, напоменува BBC.
