На сите ни се случуваат различни работи, сите се соочуваме со поинакви предизвици и потешкотии и сите со себе носиме различно минато. Не можеме да ја знаеме целата приказна ниту на нашите најдобри пријатели и покрај тоа што постојано се слушаме и гледаме. Токму поради тоа, никогаш не треба да ги осудуваме луѓето. Зошто би осудувале некого кога не ја знаеме целата вистина? Но, оваа лоша навика е дел од човечката природа.
Некои луѓе осудуваат повеќе, некои помалку. Постојат неколку хороскопски знаци кои постојано донесуваат избрзани заклучоци за луѓето уште пред да ги запознаат. Дознајте дали и вие сте едни од нив…
1. Вага
Вагите си ги задржуваат работите што им пречат за себе, бидејќи не сакаат конфликти, но затоа, пак, нивните осуди се манифестираат на поинаков начин. Тие толку многу се борат за општествена правда и еднаквост што честопати гледаат на светот со презир. Иако вашата созреана совест е за почит, не треба да глумите светци. Вие живеете во светот, а не надвор од него. Треба да преземете одговорност за вашите сопствени општествени придонеси, наместо да се грижите за тоа како другите си го живеат животот.
2. Јарец
Јарците постојано сакаат да ги контролираат работите и затоа не се воопшто трпеливи. Иако вашата самоконтрола е фасцинантна, престанете да ги осудувате другите поради тоа што не се однесуваат и не размислуваат на истиот начин. Повеќе слушајте ги луѓето околу вас. Сериозно сфатете ги нивните погледи кон светот. Прифатете ја можноста дека и вие понекогаш може да згрешите. Престанете да го гледате светот само во црни и бели бои и почнете да ги забележувате нијансите на сиво. Дозволете им на луѓето од вашиот живот да грешат, бидејќи тоа е човечки. Само така ќе можете да бидете посреќни и позадоволни.
