Англискиот актер Хју Грант (60) беше заразен со коронавирусот во првиот квартал од оваа година, а сега реши да раскаже како се чувствувал во тој момент.
Имено, актерот беше позитивен на почетокот на пандемијата, а сподели со јавноста кои симптоми ги имал.
Некои од симптомите кои ги чувствувал биле невообичаени, додека другите беа наведувани од лекарите.
Првиот симптом што го забележал, било прекумерно потење, па додаде:
– Наскоро после тоа, се чувствував како очите да ми се три броја поголеми. Подоцна, почнав да дишам тешко, како да седи голем човек на моите гради, рече актерот.
Потоа го изгубил сетилото за мирис, што било многу чудно искуство за него:
– Го помирисував секој цвет, ја пикнав главата во корпа за отпадоци … Сакав да го помирисам секој странец што ќе помине покрај мене. Кога се вратив дома тој ден, го испрскав парфемот на сопругата по лицето и не почувствував ништо, додаде тој.
Неговата сопруга, Ана Еберстејн исто така се разболе од коронавирусот и таа ги имаше скоро истите симптоми како и нејзиниот сопруг. За среќа, двојката успешно се опорави, а минатиот месец беа на одмор во Венеција.
Да потсетиме, славната двојка се венча во 2018 година, а тие се заедно веќе неколку години. Хју и Ана имаат три деца заедно и тие се многу среќно семејство.
