Принцот Хари и Меган Маркл објавија изјава во која зборуваа за „крајно кревката“ ситуација во светот поради преземањето на Талибанците на Авганистан и кризата на Хаити.
Во заедничката изјава, објавена на веб-страницата на Фондацијата Арчевел, тие ги повикаа луѓето да ги поддржат организациите за помош и светските лидери да ги забрзаат преговорите за хуманитарна помош.
„Чувствуваме многу болка поради ситуацијата во Авганистан, ние сме без зборови. Додека ја гледаме растечката хуманитарна катастрофа на Хаити, која се заканува да се влоши по земјотресот, нашите срца се скршени. Како што сите сме сведоци на континуираната глобална здравствена криза, влошена од нови сoеви и постојани дезинформации, преплашени сме“, пишуваат тие.
View this post on Instagram
„Кога било кој човек или заедница страда, дел од секој од нас страда со нив, без разлика дали го разбираме тоа или не. Значи, иако не сме родени да живееме во страдање, ние, како луѓе, учиме да го прифатиме”, додаваат тие.
Тие продолжуваат да ги охрабруваат луѓето да им се придружат во „поддршка на голем број организации кои вршат клучна работа“ и им се обратија на луѓето на високи позиции.
„Ги охрабруваме луѓето со глобално влијание да ги забрзаат хуманитарните преговори што се очекува да се одржат оваа есен на собири како што се Генералното собрание на ОН и Самитот на Г-20“, рекоа тие.
„Одлуките што сега ги донесуваме како меѓународна заедница, за да ги ублажиме страдањата на оние што ги знаеме и оние што можеби никогаш нема да ги сретнеме, ќе бидат она што ќе ја докаже нашата хуманост“, заклучија тие.
