Ѓорѓе Балашевиќ го откажа распродадениот концерт во Крагуевац поради влошување на здравствената состојба.
Причината за тоа бил инфарктот што пејачот го доживеал, пренесува Блиц. Во моментов се наоѓа во Институтот за кардиоваскуларни болести во Сремска Каменица каде што е хоспитализиран и му се вградени стентови.
Српските медиуми неофиционално дознаваат дека пејачот се чувствува добро и наскоро ќе биде пуштен дома.
„Драги Крагуевчани и останата екипо кои сакавте да дојдете вечерва на концертот. Жал ми е што морам да ве известам дека концертот се одложува. Животот некогаш прави планови без нас и не смета на нашето разбирање и што друго ни останува. Здравјето во секој случај е најважно“, напишала неговата ќерка Беба Балашевиќ на социјалните мрежи.
