Само еден ден пред неговата смрт, легендарниот пејач Халид Бешлиќ објави емотивна порака на својот инстаграм-профил – апел за помош на едно болно дете.
„Помогнете му на Нинко да има поубав живот!“, стоеше во последната објава што ја сподели пејачот, со што уште еднаш го покажа своето големо срце и човечноста по која ќе остане запаметен.
Бешлиќ, кој цел живот живееше скромно и без скандали, често беше нарекуван „човек од народот“. Своевремено во едно интервју изјави: „Можам да возам скап автомобил и да снимам милионски спотови, но зошто би го правел тоа додека соседот нема за леб? Најголемо задоволство ми е да нахранам некого, да помогнам во народната кујна, да нахранам сто гладни усти или да донирам пари за децата без родители. Сакам, кога ќе заминам, да ме паметат како добар човек – не само како добар пејач“.
Тој збор го одржа до последниот ден. Халид Бешлиќ почина во 71-та година од животот, оставајќи зад себе дела и песни што ќе живеат уште долго во срцата на народот.
