Еден од најплатените турски актери, Кенан Имирзалџиоглу (45), кој го памтиме од серијата „Езел“, се враќа на малите екрани. Откако одбрал во која серија сака да глуми, на ред дошол изборот на партнерката. Овојпат, глумецот посакал покрај камерата да застане со една од најголемите турски ѕвезда, Туба Башијакстан (37), позната по улогата на Аси. Туба веднаш се согласила на состанок, но тој за жал не поминал како што сакале продуцентот и Имирзалџиоглу.
– Туба беше многу среќна кога Керем и се јави. Таа сакаше да се врати на малите екрани, но сценаријата што и ги нудеа не и се допаѓаа. Проектот на Керим и се допадна, а проблемот настана кога Туба дозна кој ќе и биде партнер, раскажал извор близок до глумицата.
Продуцентот и понудил да и го удвои хонорарот, но таа останала на своето.
– Не станува збор за парите, туку за одбојноста на самата идеја да глуми со наркоман. Рече дека за ниту една сума нема да застане пред камерите со него. Додаде дека повеќе би сакала да снима со непознат глумец отколку со него“, кажува изворот.
Турските медиуми се чудат што токму Туба дели морални лекции бидејќи последниве години таа редеше скандал по скандал.
Прво, беше во тајна врска со Мурат Јилдрим (40) на сетот на „Аси“. Потоа се нагаѓаше кој е таткото на нејзините седумгодишни ќерки близначки. Цела Турција зборуваше за нејзиниот развод, а гласините беа засилени кога се дозна за нејзината врска со Умут Евирген.
