Познатата манекенка Ирина Шајк е главна ѕвезда во новиот едиторијал на магазинот „Harper`s Bazaar“, а во интервјуто кое го даде за овој медиум за првпат проговори за раскинувањето со холивудскиот актер Бедли Купер.
Но таа, како и секогаш, не беше претерано расположена да открие премногу детали од приватниот живот, туку само го искоментира големиот интерес кој јавноста го покажа за нивното раскинување.
– Мислам дека тоа се само луѓе, ако не можеш да имаш нешто, тогаш токму тоа го сакаш. Постои вел од мистерија околу се и тие сакаат да го тргнат. Претпоставувам дека тоа е љубопитност – изјави таа и додаде дека и покрај пропаднатата врска се уште верува во брак.
– Не сум некој кој е против бракот – изјави кратко таа.
Најмногу внимание привлекоа нејзините фотографии кои ги направи за потребите на овој едиторијал, а на социјалните мрежи веднаш се појавија коментари дека токму поради нив Бредли Купер длабоко ќе се покае.
