Во новиот филм „Fatman“ Мел Гибсон ја доби улогата на нетипичен празничен дедо кој наместо подароци во својата рака главно има оружје. Овој црн-хумор му даде прилика да стави неколку килограми вишок на себе, но изгледа дека актерот претерал во уживањето.
Веќе неколку години го гледаме Мел Гибсон во незавидна форма, со вишок килограми и далеку од холивудскиот сјај кој го имаше на почетокот на својата кариера, особено во златните денови кога го снимаше „Храбро срце“
Овие денови неговиот физички изглед, но и здравствената слика се провлекуваат низ медиумите, а сето тоа поради новиот филм во кој го игра дедото со вишок килограми. Иако продукцијата од него не барала некои позначани промени, туку само неколку вишок килограми, изгледа дека Гибсон претерал во остварувањето на таа цел.
„Неумерен сум, можам слободно да кажам дека сум свиња“, изјави на конференцијата за медиумите 64-годишниот актер, кој во новиот филм го гледаме како вооружениот дедо. Режисерите Еш и Иан Нелмс се загрижиле за здравјето на својот главен јунак и го предупредиле дека претерал, а потоа му забраниле консумација на слатки и сладолед во кои со задоволство уживал.
Самиот Гибсон инсистирал да наталожи повеќе килограми, додека режисерите – браќа го предупредиле дека сепак тоа не е целта на филмот.
„Ги прашав дали мојата улога ми дава прилика да консумирам повеќе сладолед, тие ми одговорија дека тоа што го играм дебелиот дедо не значи дека треба да го уништам своето здравје“, појасни холивудскиот актер.
